Оскаровско - политичка експертиза ? 25.02.2013

Па добро... Денес барем во нашава ананас држава (з'ш банана е здосадено, па ај нек е друго јужњачко овоштие) не е тешко да си експерт, политиколог, социолог, нешто нешто за здравството, нешто нешто за толкување на економските состојби, за временските и озонските појави, за глобално и градско затоплување и ладење, за образование наука и уметност, и за сите горе - неспомнати општествено засегнувачки појави,за кои народот не е баш заинтересиран да ги тупит од причина шо не го засегет.

Мислам , стварно ти требит експерт да ти кажит дек бранана во Слатино не мојт сеа да се попрајт з'ш временските услови не го дозволувет то и з'ш земјиштето било излизгано, то дек Македонија е веќе во криза, т.е. пардон мала рецесија ( која мала човече, не сакам ни да помислам како би изгледала поголема), експерти од типот на :
ВМРО - вски : Македонија се стреми и е на чекор за влез во ЕУ и НАТО ( да, само тој чекор е двочекор и уш малку и во троскок ќе се напрајт, ама добро,  со добар залет се е можно)
СДСМ - овски : БЦ шо вети - оствари. Точно, да се сложвам.
Ако БЦ ветил по еден вработен од секое семејство така и било, т.е. да се објаснам, ако во едно семејство работеа повеќе лица, едно мораше да биде испуштено од на работа со цел придржување до обеќаното само и само еден вработен;
 странски експерти од типот на - шо ми е гајле, Филе не се мешат во традиционалното македонско јадење ( не го биват за праење запршки, а и не одговарал на тенџерето кј шо се праела манџата), доста е и самото солено, па уште тој да го тузлосат и после кој ќе го јајт то?

Експертски типувања од тоа кој има подобар коефициент за остварување на мандат - оскар ? Па, ќе почекаме до 24 март да видиме оскаровците од пред две години ќе си го земет пак златото и дали пак СДСМ ќе освојт златна малина.

Номинациите од дамна се веќе видени, некои и повеќе пати.
Некои кандидати се навистина упорни, па неколку златни малини не им прават проблем. Сепак станува збор за златни, не е било што. Режисерите, како секој добар нели експерт од нивна струка, плански го напишале сценариото и ги доделиле улогите на глумците кои ќе се закитат со оскаровските или опозициските злата, па да не бидете премногу изненадени, ако сакате можам да ви го уништам исчекувањето и да ви кажам кој тоа ќе победи на доделувањето на изборните оскари кое ќе се одржи на 24.03.2013 година на територијата на РМ.

Секако, изборно - оскаровскиот сјај не би бил целосен доколку не помине со кљошкање, нервози и предвидливи тензии, како и тоа за пуштање трачеви во жолтиот печат за можен фалсификат, пуштање на бугарски воз, од скопје до софија и назад, нефилтрирани изборни списоци, местени номинации и копирани сценарија и се она останато без кое доделувањето на мандати не би останало забележано во светската јавност.

Па, јас како оскаровско - политички - ананас експерт можам да ви откријам кој ќе падне, брзајки да го подигне оскаро - мандатот ( во стилот на Џенифер Лоренс) ипак та носеше предолга тоалета, за  која се сомневам дека некој од номинираниве кандидате ќе се дрзнит да ја облечит, не за друго - не им стојт толку многу ПРЕФИНЕТОСТ.
Ама, не е интересно, а и башка мојт да ми го скратет правото за индиректен пренос директно од оскаро - изборните случувања за кои ви обеќавам дек ќе известувам ко ќе дојт времето, нели.

Алиса во Македонија 20.02.2013

Кој прв почна?
Почна оној кој никогаш не заврши... Откако Алиса заспа, се наспа и се преспа не и се брзаше да се разбуди во оваа земја, си помисли : Ух, па добро, јас сум Алиса во земјата на чудата, а по некое чудо сум се нашла во Македонија. Сепак јас сум онаа која кога сакам можам да се зголемам, да се намалам и да ги направам проблемите какви што се и не се.
Можам да ја изедам бобинката и да изчезнам, но дали се би било така лесно...така интересно како што е овде?
Решив да не се мешам во оваа шума, доволно е луда за да си ги реши проблемите сама, се додека не ми засега некоја друга приказна , некоја друга земја.

Во оваа шума каде Волкот ги чува Овците, каде  Црвената Лисицата ги дава своите кокошки во корист на другите Лисици, каде Лавот е принуден да ги храни Орлите....  Во оваа земја каде ништо не е исто како порано... Каде природата го изгубила својот тек, каде овците веќе немаат волна за стрижење...
Впрочем, никој не е толку сиромав за да не може да му се одземе се...
Кутрите Овци, бекаат, бекаат за храна, бекаат затоа што немаат вода за пиење, бекаат затоа што немаат млеко за третото јагне, бекаат затоа што Волкот нивниот заколнат непријател, сега седи пред нивните врати и ги чува.
Зарем сега, кога Волкот е толку близу, нема да се потруди да ги најде нивните скривалишта, нивните залихи и тајни? Тоа е истиот оној Волк, кој ги изеде нивните јагниња, кој сакаше да ја земе нивната шума, кој заедно со друга глутница Волци се закануваше со целосен масакар на овчо месо....Ако не, тогаш тој би бил навистина глупав волк...

Црвената лисица, не е толку глупава... својата мудрост навистина ја накалапила.... Ги убедила своите 42 лисици повторно да се кренат против Лавот... Како во шумата да нема веќе доволно проблеми... Решила својот плен да го дели, а со тоа лисиците благодарно ќе ја следат.
Ох,  зарем сите лисици не треба да делат барем некоја трошка мудрост?
До кога Лисицата ќе пробува да го замени Лавот? Зарем сеуште не го научила синџирот на исхрана? Ох, Лисицо, остави ја шумата на мира, Алиса планира да ти ја откорне опашката.

Лавот... Што би можел да раскаже тој?
Се бори со Волците... Сигурно ја знае онаа : Од бројаните Овци, Волкот не јади... Кога би било така само... Свесен Лавот, ги става Овците во устата на Волкот...
Ги храни Орлите, учејки ги нивните малечки да летаат, нудејки им нови поишта за храна, нови дрва за живот, се труди шумата да ја граничи со небото... Знаејки дека небото нема граници, за разлика од шумата..... Си помислува за миг дека сепак Овците ќе останат недопрени...

Алиса, трепка... Се двоуми дали да се буди... Решава да ги остави работите онакви какви што се. Се додека спие, веројатноста дека во шумата се ќе се врати како порано се големи...
Алиса во Македонија...