Деновиве Македонија ја тресе буџетска треска... т.е. не вервам дека обичниот граѓанин си сејт пред телевизор и ги пратит претставите кои ги изведуваат та едните та другите.
Станвит збор за крајно ризични и опасни точки во кои НИЕ не уживаме. Некој од фактот шо не разбират шо прает муабет ( само гледат турканици, драпање, слушат разни обвинувања и врескање и нормално дебати кои во никој случај не се поврзани со донесувањето на Буџетот на РМ), некој разбират ама не мојт никако да реагират, а некој само за терање сеир ги пратит куршумите кои летет на сите страни.
Како основна движечка сила во секоја држава е буџетот на самата држава. Тој претставува еден од најважните инструменти за реализирање на националните, економските и социјалните потреби и приоритети на државата, или како шо викам јас на македонски то би значело : плати за сите вработени во државните институции, пензии, стипендии и социјални давачки, изградби, донации на школи и болници, враќање на старите државни долгови и се она шо претсавува пари кои се поврзани со давање и земање од и на страна на државата.
За да се донесе буџетот ( секако и било кое друго прашање шо е во корист на државата, или се работи за државно ниво) мора да оди на гласање во собрание како и да поминит низ некои филтри и гласање ЗА и ПРОТИВ.
За да дојдам до епицентарот на овај проблем ( да, буџетот претставува проблем, сега, пред подготовка на локалните избори - нема пари во буџетот - нема локални избори, а локалните избори се проблем за опозицијата) треба да ги раскажвам седниците кои постојано се пренесуваат на собранискиот канал, а за да ги скратам епизодите на политички договори, и да го објаснам она шо сакам ќе бидам директна, конкретна определена.
Значит, циркусот трајт веќе некој месец - два, а ќе станит долгорочен зато шо со недонесувањето на буџетот на Македонија и се заканвит грчко сценарио т.е. банкрот на државата, а со то знајте и сами како НЕ функционират ништо.
Како главни опуртунисти на донесувањето на буџетот се социалдемократите а погоре и кажав зошто. Кога само на миг би го вклучиле каналот ќе забележите работи шо не сте ги забележале до сега - кој со кого не се сакат, кој плачел и кој нокти корнел, кој на кој му се заканвел, кој лажел и до кога ќе лажел, кој бил лицемерен итн итн, се само убај работи не.
И тоа го прават толку добро шо ние мислиме дека навистина ни се заканвит банкрот, дека навистина немат да се донесит буџетот, дека навистина немат да имат локални избори.
Гледано со ова - навистина - нас ни се пренасочвит вниманието од веќе постоечките проблеми, полека но сигурно се формират ново гласачко тело ( дали за ВМРО или СДСМ ), се создавет фрустрации помеѓу граѓаните, секој на секој почвит да должит и секој се потајно се надеват дека стварно ќе дојт крај на светот, з'ш вака веќе не се живејт.
И додека трајт собранискиот циркус ( и таа напнатост кој ќе ојт на тенка жица од една крајност на друга, држејки баланс каде на едната страна Македонија и нејзината иднина, а на другата партиските интереси) ние ко телиња во шарена врата се sвериме и си мафтаме со опашките.
Редно е и ние да му се приклучиме на циркусот, па на крај краева ние ги одбравме оние што го бојокотират или предлагаат, оние што врескаат и крескаат, оние што "се претсавници" на народот.
No comments:
Post a Comment